علامة استفهام كبيرة شايفها قدامي و مش قادر افهم او الاقي سبب يقنعني فعلا انا قولت اسباب كتيرة بس للاسف مش حاسس اني مقتنع بيهم (كنت باحاول اقنع نفسي و بس) ليه انا كنت مستسلم جدا لسيطرة اخويا و رافض تماما محاولات بابا الكتيرة للدفاع عني ؟؟؟؟؟؟؟؟؟؟؟؟؟؟؟؟؟؟؟
النهاردة بس شايف علامة الاستفهام دي كبيرة قوي و اكتشفت اني بسببها رافض تماما طفلي الداخلي لما بافتكر طفولتي مش شايف غير صورة الطفل الضعيف المستسلم لدرجة انه حتى رافض ان حد يدافع عنه و ياخدله حقه و بصراحة مش فاهم كان بيعمل كدة ليه و لا قادر الاقيله عذر يقنعني بالتالي مش قادر اسامحه او اغفرله انا للاسف رافض الطفل ده - رافض ضعفه و خوفه و استسلامه - رافض انه يحاول يظهر و يتحكم فيا
انا عارف ان ده مش صح و المفروض اني اقبله و احبه و احترمه بس الحقيقة المرة اني مش قادر اعمل ده يمكن لو في يوم لقيت اجابة لعلامة الاستفهام دي اقدر اقبله و اديله عذر و ما احملش ذنب
يا رب ساعدني الاقي اجابة مقنعة فعلا للسؤال ده و افهم انا ليه كنت كدة !!
خد وقتك.فهم انفسنا هييجي بعد محاولات كتيره بس النتيجه كويسه
ردحذفمعاك حق يا محمود و شكرا لتعليقك و تشجيعك
ردحذفانا الحمد لله تقريبا فهمت ليه كنت كدة و بدأت اقبل الطفل الداخلي